په فاریاب کې بڼوال: زموږ انګور پېرېدونکي نلري | آمو ټلویزیون — Amu TV

د فاریاب ولایت په قیصار ولسوالۍ کې د انګورو بڼوال امو ته وایي چې حاصلات یې د تېر په څېر بازار نه لري. دریو بڼوالو له امو سره په خبرو کې د خلکو د اقتصادي ستونزو، د افغانستان او پاکستان د لارو او بندرونو د تړلي پاتې کېدو او سمیه‌ئیزو جګړو اغېزو په اړه اندېښنه ښودلې ده. دا په داسې حال کې ده چې په قیصار ولسوالۍ کې شاوخوا شل ډوله انګور تولیدیږي او د افغانستان او سیمې په کچه له خورا لوړ کیفیت لرونکو انګورو شمیرل کېږي. محمد صابر، چې په قیصار ولسوالۍ کې یو بڼوال دی، شاوخوا زر د انګورو تاکونه لري. هغه د خپل باغ د پالنې او ساتنې لپاره کال کې شاوخوا ۲۰۰ زره افغانۍ لګښت کوي، چې د دواګانو پېریدل او د کارګرانو مزدوري هم پکې شاملېږي. نوموړی امو ته وایي، که چېرې کافي اوبه شتون ولري او له تاکونو ښه پاملرنه وشي، هر تاک کولای شي له ۳ تر ۵ زرو افغانیو پورې عاید ولري. خو موضوع یوازې د تولید نه ده؛ هغه د بازار له نشتوالي او د ساتنې د اسانتیاوو له نشتونه شکایت کوي. محمد صابر زیاتوي: «د انګورو پلور، دوه کاله کېږي چې خورا ارزانه شوی. د بېلګې په توګه، تیر کال د انګورو یو من ۳۰۰ افغانۍ و، خو سږکال ۲۰۰ یا ۱۸۰ افغانۍ دی. کشمش هم همداسې؛ تېر کال…