کوچنیو کښتیو کې برېتانیا ته د افغانانو ورتګ ۳۷ سلنه کم شوی — Pajhwok

کابل (پژواک، ۶ وږی ۱۴۰۵): د برېتانیا د کورنیو چارو وزارت وایي، په تېرو ۱۲ میاشتو کې برېتانیا ته د کوچنیو کښتیو له لارې د افغانانو ورتګ ۳۷ سلنه کم شوی او افغانان له دې لارې د ټولو ورغلو کسانو ۱۳ سلنه جوړوي. د برېتانیا د کورنیو چارو وزارت پرون (پنجشنبه) د ۲۰۲۶ کال د جون تر میاشتې د دغه هېواد د کډوالۍ تازه رسمي شمېرې خپرې کړې دي. د شمېرو له مخې، په یادې موده کې ۳۳ زره او ۳۷۴ کسان د کوچنیو کښتیو له لارې برېتانیا ته داخل شوي؛ په ۲۰۲۵ کال کې دا شمېر ۴۳ زره او ۳۰۹ کسانو ته رسېده چې ۲۳ سلنه کموالی ښيي. د وزارت د معلوماتو له مخې، اریتریایان د کوچنیو کښتیو له لارې د ورتلونکو کسانو ترمنځ ۱۸ سلنه جوړوي او تر ټولو لوړه ونډه لري. سودانیان او افغانان هر یو ۱۳ سلنه، سومالیایان ۱۲ سلنه او ایرانیان ۱۱ سلنه جوړوي. وزارت ویلي چې د اریتریا، سوډان، افغانستان، سومالیا او ایران وګړي په ګډه د دغې مودې په ترڅ کې د کوچنیو کښتیو له لارې بریتانیا ته د ټولو ورغلو کسانو شاوخوا دوه پر درېیمه برخه جوړوي. د شمېرو له مخې، په دې موده کې پنځه زره او ۸۷۵ اریتریایان بریتانیا ته تللي چې د تېر کال په پرتله دوه سلنه کمښت دی، خو د سودانیانو شمېر څلور زره او ۱۹۱ کسانو…