هلن مک‌انټي: ایرلنډ د افغانانو د بنسټیزو بشري حقونو د بېرته ترلاسه کولو… — AF International

د ایرلنډ د بهرنیو چارو وزیرې هلن مک‌انټي د طالبانو د واکمنۍ د پنځمې کلیزې په مناسبت ویلي، چې په تېرو پنځو کلونو کې په افغانستان کې ښځې او نجونې د تبعیضي تاوتریخوالي، ناوړه چلند او له ټولنیز ژوند څخه د ایستلو له یوې «وحشتناکې لړۍ» سره مخ شوې دي. کاناډا وايي، پر افغانستان د طالبانو د بیا واکمنېدو پنځه کاله پوره شول، خو کابل لا هم له بد بشري او سیاسي بحران سره مخ دی. د کاناډا د بهرنیو چارو وزیرې انیتا انند او د نړیوالې پراختیا لپاره د دولت وزیر رنډیپ سرای د طالبانو د واکمنۍ د پنځمې کلیزې په مناسبت په ګډه اعلامیه کې ویلي، « کاناډا د طالبانو هغه سیاستونه په کلکه غندي چې د افغانانو پر وړاندې د سختې ځپنې، پراخو بشري حقونو د سرغړونو او د اساسي ازادیو د کمزوري کېدو لامل شوي دي». دوی ویلي، افغانستان له مخ پر خرابېدو بشري، سیاسي او د بشري حقونو له بحران سره مخ دی او طالبانو له واک ته رسېدو وروسته داسې ایډیالوژیک نظام بنسټیز کړی چې ښځې او نجونې پکې په ځانګړي ډول هدف ګرځول شوې دي. د کاناډا په اعلامیه کې راغلي چې د طالبانو فرمانونه د ښځو او نجونو د ژوند نږدې هر اړخ اغېزمنوي او میلیونونه افغانې نجونې لا هم له زده‌کړو محرومې دي. د اعلامیې له مخې، ښځې د کار، ازاد…