Afghanistan News Today – Breaking News, Politics, Sports & Live Updates | Ariana… — Ariananews

د اسلامي امارت د اوبو او انرژۍ وزیر محمد یونس آخوندزاده نن(شنبه د تلې اته‌لسمه) د سعودي عربستان پلازمېنې ریاض ته د نړیوالې انرژۍ په اوولسمه غونډه کې د ګډون لپاره ولاړ. ټاکل شوې، چې د شاوخوا ۱۰۰ هېوادونو د وزیرانو پر کچه استازي په دې غونډه کې ګډون وکړي او د انرژۍ په برخه کې د همکاریو، فرصتونو او تجربو د تبادلې په اړه خبرې وکړي. د اوبو او انرژۍ وزارت ویلي، چې په دې غونډه کې د افغانستان ګډون له نړۍوالو هېوادونو سره د اړیکو پراختیا، د تجربو تبادلې او د انرژۍ په برخه کې د نړۍوالو همکاریو د جلبولو لپاره ښه فرصت برابروي. د اسلامي امارت پلاوی په دوه‌یمه نړیواله ډیجیټلي غونډه کې د ګډون لپاره مسکو ته تلی د ډیجیټلي حکومتولۍ عمومي ریاست رییس عبدالرحمن ساپی هم د دې پلاوي غړی دی. د مخابراتو او معلوماتي ټکنالوژۍ وزارت مالي او اداري مرستیال محمد امین جان عمري پر مشرۍ د اسلامي امارت یو پلاوی په دوه‌یمه نړیواله ډیجیټلي غونډه کې د ګډون لپاره د روسیې پلازمېنې مسکو ته تللی دی. ټاکل شوې، چې د بېلابېلو هېوادونو د دولتي ادارو استازي، د نړیوالو ټولنو استازي، د معلوماتي ټکنالوژۍ برخې څانګوال(متخصصان) او د خصوصي سکټور استازي په دې غونډه کې ګډون وکړي. په غونډه کې به د ډیجیټلي ټکنالوژۍ پراختیا، ډیجیټلي حکومتولي، مصنوعي ځیرکتیا، سایبري امنیت، ډیجیټلي بېخبناوو او…