یوناما وايي افغانستان کې خپلسري نیونې ادامه لري — Dw

په افغانستان کې د ملګرو ملتونو مرستندویه ماموریت یا یوناما ویلي چې د طالبانو د امر باالمعروف پولیسو د جولای او سپټمبر میاشتو په ترڅ کې سلګونه کسان نیولي او له لسګونو نورو سره یې ناوړه چلند کړی دی. طالبانو بیا دا ادعاوې رد کړې دي. په افغانستان کې د ملګرو ملتونو مرستندویه ماموریت یوناما ویلي چې په افغانستان کې د درپیو میاشتو په موده کې یې د امر بالمعروف پولیسو له خوا د خپل‌ سرو نیونو او توقیف ۴۴۳ پیښې او همدا راز له خلکو سره د ناوړه چلند ۹۷ پیښې ثبت کړي دي. To view this video please enable JavaScript, and consider upgrading to a web browser that supports HTML5 video له افغانستانه د بهرنیو ځواکونو تر وتلو وروسته او په ۲۰۲۱ م کال کې په افغانستان کې د طالبانو تر بیا وکمنۍ وړاندې، طالبانو ژمنه کړې وه چې د خپلې پخوانۍ واکمنۍ په پرتله به په نرم دریځ حکومتولي کوي. خو د بشري حقونو د ډلو په وینا، دا ژمنې عملي نه شوې او پر ښځو او نجونو پراخ محدودیتونه ولګول شول. یوناما همدا راز په خپل راپور کې زیاته کړې چې د روان کال په وروستی ربع کې په سرحدي پېښو کې ۱۳ ملکي وګړي وژل شوي او ۲۰ نور ټپیان شوي دي . دې ماموریت د څو رسنیو د فعالیتونو د ځنډولو راپور هم ورکړی…