یونسکو: په افغانستان کي ۲،۴ میلیونه نجونې له ښوونځیو منع سوي — Dw

د ملګرو ملتونو ښوونيز، روزنيز او کلتوري سازمان «يونسکو» د سې شنبې په ورځ ويلي دي چي د طالبانو حکومت چي یوازي روسیې په رسمیت پېژندلی او ځيني هيوادونو ورسره تعامل ښوولی، پر ښځو یو لړ داسي محدودیتونه لګولي چي ملګرو ملتونو ورته د «جنسیتي اپارتايد» نوم ورکړی دی. يونسکو ويلي دي چي نجوني نسي کولای تر لومړنۍ دورې وروسته زده کړو ته دوام ورکړي؛ دا هغه تګلاره ده چي د طالبانو چارواکي یې له اسلامي شریعته د خپل تفسیر پر بنسټ توجیه کوي. یونسکو ویلي دي چي د هغو نجونو شمېر چي له ثانوي زده کړو بې برخي دي، له تېر کال راهیسې ۲۰۰ زره زیات سوی او که دا بندیز دوام وکړي، نو ښايي تر ۲۰۳۰ کال پوري دا شمېر نږدې څلورو میلیونو ته ورسېږي. د نجونو د زده کړي په اړه د دغي ادارې يو بل راپور دلته لوستلای سئ د ملګرو ملتونو دې ادارې د زده کړې د حق د سمدستي بیا ورکولو غوښتنه وکړه او «پر ښځو او نجونو يې تبعیض» وغانده. طالبانو حکومت چي د ۲۰۲۱م کال په اګست کي له بيا واک ته رسېدو سره سم یې د نرمي تګلاري ژمنه کړې وه، پر ښځو پراخ بندیزونه لګولي او هغوی یې له پوهنتونونو، عامه پارکونو، ورزشي کلبونو او ښکلا له سالونونو ورتګ څخه منع کړي دي. يونسکو وايي چي د ۲۰۲۲م کال په…