د پيشوګانو سترګې څنګه څېړونکي د انځور اخیستنې ټیکنالوژۍ پراختیا ته هڅوي؟ -… — Bbc

د عکس سرچینه، Andyworks via Getty Images د ۱۹۳۳ کال په یوه داسې شپه چې هر څه لړو یا ګردونو په سر اخیستي وو، پرسي شو په خپل موټر کې د کور لوري ته روان و، چې د سړک پر غاړه یوه رڼا وبرېښېده او هغه یې درېدو ته اړ کړ. عام روایت وايي چې د دې رڼا سرچینه یوه پیشو وه، چې د موټر د مخکینیو څراغونو رڼا یې په سترګو کې منعکسه شوه او مخامخ بېرته د شو لوري ته راستنه شوه. بي بي سي سره په خبرو کې د هغه د وراره لمسۍ، ګلینډا شو، وویل"کله چې پرسي شو ودرېد، پوه شو چې په ناسم لوري روان و او که دا رڼا یې نه وای لیدلې، نو په یوه ژوره دره (ګړنګ) کې د لوېدو په حال کې و." له همدې امله، دې شېبې نه یوازې د پرسي شو ژوند وژغوره، ورسره هغه ته یې الهام ورکړ چې پر سړکونو انعکاس ورکوونکې دړې ولګول شي، څه چې بریتانویان ورته د پیشو سترګې وايي. په ۱۹۷۶ کال کې د شو د مړینې پر مهال، له دې "د پيشو سترګو" نښو ۱۵ میلیونه دانې جوړې شوې وې، او تر ننه په ټوله نړۍ کې کارول کېږي. د عکس سرچینه، Peter Laurie/ViniSouza128 via Getty Images د هغه د وراره د لمسۍ په وینا، پرسي شو د "پیشو سترګو" د اختراع…