نیمروز کې ۳۰ ټانکره بې‌کیفیته تېل بېرته ایران ته مسترد شول — Bakhtar

Summary: د نیمروز ولایت د نفتو او ګازو مدیریت له لوري د وارداتي تېلو له ارزونې، نمونه‌اخیستنې او کیفیت کنټرول وروسته، ۳۰ ټانکره ډیزل بې‌کیفیته تشخیص او بېرته ایران ته مسترد شول. د نیمروز ولایت د نفتو او ګازو عمومي مدیر مولوي نعمت‌الله طلحه باختر اژانس ته ویلي، چې دغه ۳۰ ټانکره ډیزل د موظف پلاوي له لوري د نمونه‌اخیستنې او کیفیت تر ارزونې وروسته بې‌کیفیته تشخیص شوي او بېرته ایران ته مسترد شوي دي. نوموړي زیاته کړې، چې یاد تېل د کنټرول او کیفیت ادارې په لابراتوارونو کې له بشپړې ارزونې وروسته ټیټ کیفیت ثابت شوي او له همدې امله بېرته مسترد شوي دي. د نیمروز د نفتو او ګازو عمومي مدیریت مسوولینو ویلي، چې تېره اوونۍ هم ۴۳ ټانکره بې‌کیفیته تېل له ارزونې وروسته مسترد او بېرته ایران ته ګرځول شوي وو.