د بهرنیو چارو وزیر کابل کې د هند له شارژدافير سره تعارفي ناسته… — Bakhtar

Summary: د بهرنیو چارو وزیر مولوي امیر خان متقي نن په کابل کې د هند سفارت له شارژدافیر یتین پټیل سره تعارفي لیدنه وکړه. دغه وزارت په يوه خبرپاڼه کې څرګنده کړې، چې د بهرنیو چارو وزیر شارژدافیر ته په نوي ماموریت کې د بریالیتوب هیله څرګنده کړې او زیاته کړې یې ده، چې د افغانستان اسلامي امارت د خپل متوازن سیاست له مخې هند سره اړیکو ته اهمیت ورکوي. ښاغلي متقي همدارنګه ويلي چې د افغانستان – هند ترمنځ د سوداګرۍ حجم د زیاتېدو په حال کې دی او د دواړو لورو له ظرفیتونو څخه د اعظمي استفادې لپاره اړتیا ده، چې د حکومتي او خصوصي سکټورونو تر منځ رابطې او همکاري زیاته شي. ورته مهال ښاغلي یتین پټیل څرګنده کړې، چې هند له افغانستان سره په اقتصادي، سیاسي او بشري برخو کې خپل تعامل او اړیکو ته پراختیا ورکول غواړي.