یونسکو: ژوندي دودونه او کلتوري میراثونه د نسلونو نښلوونکی پُل دی | آمو… — Amu TV

د ملګرو ملتونو علمي، کلتوري او تعلیمي سازمان (یونسکو) د کلتوري میراث د ساتنې د نړیوالې ورځې په مناسبت په خپره شوې خبرپاڼه کې ویلي، چې ژوندي کلتوري میراثونه یوازې د هغو ولسونو او خلکو په همت او هڅو ژوندي پاتې دي چې له پېړیو راهیسې یې ساتنه کوي او له یوه نسل څخه یې بل نسل ته لېږدوي. یونسکو ټینګار کړی چې د نړۍ په بېلابېلو سیمو کې مدني ټولنې، اکاډمیک نهادونه، کلتوري پالونکي او ځايي او ملي ادارې په ګډه هڅه کوي ترڅو دا بډایه کلتوري پانګه وساتي، ترویج یې کړي او په شاندارو مراسمو یې ونمانځي. د دغه سازمان په وینا، دا پخواني دودونه او کلتوري لړۍ ټولنو ته د دوام، پېژندګلوۍ او خپلوۍ ژور احساس وربښي. د یونسکو د خبرپاڼې له مخې، په دغو کلتوري او غیر مادي میراثونو کې بېلابېلې دودیزې پوهې، لاسي صنایع، هنري او ډراماټیک مهارتونه، د سیمه‌ییزو خوړو او پخلي لارې چارې، ځانګړي ملي او مذهبي دودونه او هغه ټولنیز رسمونه شامل دي چې بېلابېل کلتورونه او نسلونه سره نښلوي او خپلمنځي پیوستون پیاوړی کوي. د طالبانو تر واک لاندې د اطلاعاتو او کلتور وزارت وايي چې اوسمهال د افغانستان ۹ لرغوني ابدې د یونسکو د علمي او کلتوري سازمان په نوملړ کې ثبت شوې دي او دغه‌راز، د بابر بڼ، د رستم تخت، د بلخ نه ګنبد جومات او ځینو نورو…