Summary: د افغانستان اسلامي امارت د عامې روغتيا وزارت، نن له يوې مؤسسې سره د څه باندې پنځه ميليونه ډالرو په ارزښت د پوليو واکسين تړون لاسليک کړی دی. د ياد وزارت په خپره شوې خبرپاڼه کې راغلي دي: "د عامې روغتیا وزارت له لوري په روزګان او هلمند کې د خوراکي پوليو واکسين (اوپيوي) او واکسيناسيون پروګرام د پياوړتيا په موخه له «اېاېاچ» مؤسسې سره د ۵ ميليونه ۳۰۰ زره ډالرو په ارزښت تړون لاسليک شو." د سرچينې د معلوماتو له مخې؛ ياد تړون د روغتيايي خدمتونو د کيفيت لوړولو، د لاسرسي زياتولو او د خلکو روغتيايي ستونزو د راکمولو په موخه د یوه کال لپاره لاسليک شوی چې له مخې به یې د ۵۰ روغتيايي مرکزونو له لارې د یادو ولایتونو ۴۸۷ زره ۱۶۶ اوسېدونکي د خوراکي پوليو واکسين له خدمتونو څخه برخمن او ۴۲۲ تنو ته به په روغتیايي برخه کې د کار زمینه برابره شي. د «اېاېاچ» مؤسسې استازو ژمنه کړې چې ياده پروژه به په ټاکلې موده او ټاکل شويو معيارونو سره پلې کړي او د خلکو روغتيايي اړتیاوو پوره کولو ته به ځانګړې پاملرنه وکړي.
Quick facts
Timeline
-
Bakhtar
د عامې روغتيا وزارت له يوې مؤسسې سره د څه باندې پنځه ميليونه ډالرو په ارزښت تړون لاسليک کړ
Sources
Afghan sources
د عامې روغتيا وزارت له يوې مؤسسې سره د څه باندې پنځه ميليونه ډالرو په ارزښت تړون لاسليک کړ