Summary: سیمه ییزو مسوولینو خبر ورکړی، چې د هرات والي شیخ مولانا اسلام جار په لارښوونه یاد ولایت کې د نن ورځې له پیل څخه یو کیلو اوبلن ګاز په ۵۵ افغانۍ پلورل کېږي. دغه لړۍ چې د ګازو سیار ټانکرو پر مټ پلي شوی د یاد ولایت په نهو ځایونو کې پیل شوې ده.د هرات د والي ویاند محمد یوسف سعیدي ویلي، چې دغه پروګرام د یاد ولایت د نفت او ګازو ریاست په نوښت پیل شوی او موخه یې د یادو توکو د نرخونو مدیریت او د خلکو ملاتړ دی.نوموړي زیاته کړې، چې د اړتیا پر مهال به دغه لړۍ د یاد ولایت نورو سیمو ته هم وغځوي څو خلک وکولی شي د سون دې توکو ته په ارزانه بیه لاسرسی ومومي.هرات مېشتو د حکومت له دې اقدام هرکلی کړی او دا یې د سون توکو د نرخونو د کموالي په برخه کې اغېزمن ګام بللی دی.
Quick facts
Locationهرات
TopicEconomy
Sources1
Updated2026-07-22 08:12:07
Timeline
-
Bakhtar
هرات مېشتي له ارزانه اوبلن ګاز څخه برخمن شول