م.م : د طالبانو او پاکستان ترمنځ نښتو کي ۵۰۰ ملکيان وژل سوی — Dw

په افغانستان کې د ملګرو ملتونو مرستندوی ماموریت (یوناما) یو نوی راپور ښيي چي په تېرو نهو میاشتو (د ۲۰۲۵م کال د اکتوبر له لومړۍ نېټې د ۲۰۲۶م کال د جون تر ۳۰مي پوري) د طالبانو او پاکستان د ځواکونو ترمنځ په سرحدي نښتو کي د ملکيانو د تلفاتو ټول شمېر ۴۹۹ وژل سوو او ۱۲۱۶ ټپیانو ته رسېدلی دی. د ۲۰۲۵م کال په اکتوبر مياشت کي د افغان طالبانو او پاکستان ترمنځ نښتي له هغه وروسته زیاتې سوې چي ادعاوي وسوي اسلام اباد د کابل په ګډون د افغانستان پر څو ښارونو هوایي بریدونه ترسره کړي دي. د دغو کړکېچونو اصلي لامل دا دی چي د پاکستان حکومت د طالبانو پر اداره تور لګوي چي د پاکستان ضد ډلو، لکه «تحریک طالبان پاکستان» او بلوڅ بېلتون غوښتونکو ته پناه ورکوي او ملاتړ یې کوي. د طالبانو ادارې په وار وار دا تورونه رد کړي دي. يوناما په دې راپور کي ويلي دي چي په تېرو درېیو میاشتو کي د ۲۰۲۶م کال د اپریل له لومړۍ نېټې د جون تر پایه ۵۷ کسان وژل سوي او ۳۴۲ نور ټپیان سوي دي. د دې راپور له مخي، په مړو سوو کسانو کي شپږ او په ټپیانو کي ۳۶ ښځې شاملې دي. سربېره پر دې، په دې موده کي ۳۱ ماشومان وژل سوي او ۹۲ نور ټپیان سوي دي. To view this…