سر زما سامان زما، ځار شه ترجانان زما
ځار شه تر جانان زما، سر زما سامان زما
زيان زما نقصان زما، واړه ديار هجر دی
واړه ديار هجر دی، زيان زما نقصان زما
مښک زما زعفران زما، ستا دی کوڅې خاورې دی
ستا دی کوڅې خاورې دی، مښک زما زعفران زما
ګل زما ريحان زما، ستا رخسار و زلفې دی
ستا رخسار و زلفې دی، ګل زما ريحان زما
فکر زما توان زما ،ستا په غم کی نه رسی
ستا په غم کی نه رسی، فکر زما توان زما
اه زما فغان زما، هيڅ په تا اثر نه کا
هيڅ په تا اثر نه کا، اه زما فغان زما
دا پيران شيخان زما، ستا په غم کی نه رسی
ستا په غم کی نه رسی، دا پيران شيخان زما
وصل هم هجران زما ،ای رحمانه خير دی
ای رحمانه خير دی ،وصل هم هجران زما