Afghanistan News Today – Breaking News, Politics, Sports & Live Updates | Ariana… — Ariananews

د هلمند ولایت د ګرمسېر ولسوالۍ په صفار سیمه کې د پاکستان د پوځي رژیم د هوايي برید له کبله د یوې کورنۍ څلور غړي« شهیدان» شوي او اووه نور ټپیان دي. د سیمه‌ییزو راپورونو له مخې، دغه کورنۍ د غزني ولایت اوسېدونکې دي او په صفار سیمه کې یې یو کوچنی رسټورانټ درلود. د څرګندونو له مخې؛ د دې پېښې د« شهیدانو» جسدونه او ټپیان د حکومت له‌خوا په یوه چورلکه کې غزني ولایت ته لېږدول شوي، چې ټپیان تر درملنې لاندې ونیول شي او «شهیدان» هم خاورو ته وسپارل شي. دا برید نن سهار شاوخوا ۳:۳۰ د پاکستان د پوځي رژیم د جټ الوتکو له‌خوا ترسره شوی او په کې پر دوه ملکي کورونو څلور بمونه غورځول شوي دي. ویل شوي، چې له برید وروسته درې ماشومان نادرکه شوي او د هغوی د موندلو لپاره د لټون هڅې روانې دي. سیمه‌ییزو چارواکو دغه برید غندلی دی. #آریانانیوز #افغانستان #هلمند #ګرمسېر #پاکستان #هوايي‌برید #ملکي‌وګړي امریکا له عراق څخه خپل ټول پوځي تجهیزات له ځان ولېږدول – ټرمپ ټرمپ د چارشنبې پر ورځ په سپینه ماڼۍ کې یوې غونډې ته ویلي، چې د عراق په شمال کې له اربیل هوايي اډې څخه د امریکا پر مشرۍ د ائتلاف د ځواکونو او تجهیزاتو وتلو د داعش پر وړاندې په عراق کې د امریکا پوځي ماموریت پای ته ورساوه. د امریکا ولسمشر…