Summary: د ننګرهار ولایت د کابل کمپ په سیمه کې د «خیال نوښت» په نوم یوې نوې سیمهییزې راډیو خپلې خپرونې پیل کړې. د باختر اژانس د خبر له مخې، د ننګرهار د اطلاعاتو او فرهنګ رئیس مولوي ذبیحالله نوراني د اطلاعاتو له آمر مولوي صدیقالله قریشي سره یوځای د یادې راډیو له مرکز څخه لیدنه وکړه او د فعالیتونو، د خپرونو بهیر او پروګرامونو په اړه یې معلومات ترلاسه کړل.مولوي ذبیحالله نوراني د راډیو مسوولینو ته د فعالیت د پیل مبارکي وویله او د رسنیو د ودې او پیاوړتیا لپاره یې د مناسب رسنیز چاپېریال پر رامنځته کولو ټینګار وکړ.نوموړي وویل، چې رسنۍ د معلوماتو رسولو، عامه پوهاوي او د ټولنې د ستونزو او غوښتنو د انعکاس په برخه کې مهم رول لري او د رسنیو مسوولین باید خپلې خپرونې د مسلکي معیارونو او اسلامي او ملي ارزښتونو په پام کې نیولو سره وړاندې کړي.په همدې حال کې، د «خیال نوښت» راډیو مسوول خیال نور حیران وویل، چې دغه راډیو به د اسلامي امارت تر چتر لاندې په بېلابېلو برخو کې خپلې خپرونې د ۹۲.۱ څپو له لارې وړاندې کوي.ورته مهال، د ننګرهار د اطلاعاتو آمر مولوي صدیقالله قریشي وویل، چې اوس مهال په دغه ولایت کې د ملي راډیو ټلوېزیون په ګډون ۱۷ راډیوګانې، څلور ټلوېزیونونه، درې چاپي رسنۍ او ګڼ شمېر ټولنیزې رسنۍ د اطلاعاتو او فرهنګ وزارت د نشراتي پالیسۍ له مخې فعالیت کوي.
لنډ معلومات
مهالوېش
-
Bakhtar
ننګرهار کې د «خیال نوښت» په نوم نوې راډیو خپرونې پیل کړې