په تېرو دوو کلونو کې ۸۱ سوداګر او صنعت‌کاران افغانستان ته راستانه شوي… — Bakhtar

Summary: د افغانستان اسلامي امارت مرستيال وياند وايي چې د تېرو دوو کلونو په بهير کې؛ ۸۱ سوداګر او صنعت‌کاران هېواد ته راستانه شوي دي. ملا حمدالله فطرت نن په خپله «اېکس» ټولنيزه شبکه کې ليکلي دي: "له ۱۴۴۶/۲/۲۲ هـ ق نټېې څخه تر دې مهاله په مجموع کې ۸۱ سوداګر او صنعت‌کاران چې له دې جملې يو تن د لوړې کچې، ۷۴ تنه د منځنۍ کچې او ۱۴ تنه د ټیټې کچې سوداګر او صنعت‌کاران وو؛ هېواد ته راستانه شوي او په بېلابېلو برخو کې ورته مهم خدمات او اسانتیاوې هم برابر شوې دي."د فطرت د معلوماتو له مخې؛ يادو سوداګرو او صنعت‌کارانو ته د مرکز او ولایتونو په صنعتي پارکونو کې ۲۸۸ جریبه ځمکه وېشل شوې ده چې په ټوليز ډول ۶۸ میلیونه ډالر پانګونه کړې او په پايله کې يې ۴۶۶۱ کسانو ته په مستقیم ډول کاري فرصتونه برابر شوي دي.ويل شوي چې په ياده موده کې د ۱۵ سوداګرو او صنعت‌کارانو اسناد څېړل شوي او د بشپړېدو په حال کې دي او همدا رنګه دوی به هم له نافذه اصولو سره سم؛ له امتیازاتو او اسانتیاوو څخه برخمن شي.