افغانستان د اسیایي لوبو په کرکټ سیالۍ کې جاپان ته ماته ورکړه — AF International
د افغانستان د نارینهوو کرکټ لوبډلې د ۲۰۲۶ کال اسیایي لوبې په بري پیل کړې. افغان لوبډلې د جاپان په ناګویا ښار کې د ګروپي پړاو په لومړۍ لوبه کې کوربه جاپان ته د ۴۸ منډو په توپیر ماته ورکړه. د افغانستان کرېکټ بورډ د سپټمبر پر ۲۱مه په یوه خبرپاڼه کې ویلي چې افغان ابدالیان د اسیايي لوبو د کرېکټ سیالیو لپاره د جاپان د ایچي ولایت ناګویا ښار ته رسېدلي دي. د اسیايي لوبو د رسمي مهالوېش له مخې، د افغانستان او جاپان ترمنځ لوبه د سپټمبر پر ۲۴مه د سهار په ۹ بجو پیلېږي. افغانستان، جاپان او نیپال د نارینهوو د کرېکټ سیالیو په «الف» ګروپ کې شامل دي. د نارینهوو د کرېکټ په سیالیو کې ۱۰ لوبډلې ګډون کوي چې په دوو ګروپونو وېشل شوې دي. افغانستان، جاپان او نیپال په «الف» ګروپ کې او هانګ کانګ، مالیزیا او عمان په «ب» ګروپ کې دي. هند، پاکستان، بنګلهدېش او سریلانکا بیا د خپلو درجهبندیو له مخې په مستقیم ډول د سیالیو د پړاو اتو غوره لوبډلو پړاو ته لار موندلې ده. د دواړو ګروپونو دوه غوره لوبډلې به هم د اتو غوره لوبډلو پړاو ته ووځي. افغانستان به له جاپان وروسته د سپټمبر پر ۲۵مه د نیپال پر وړاندې خپله دویمه ګروپي لوبه ترسره کړي. د دې دوو سیالیو پایلې به د دې په ټاکلو کې…
Quick facts
Timeline
-
AF International
افغانستان د اسیایي لوبو په کرکټ سیالۍ کې جاپان ته ماته ورکړه
Sources
Afghan sources
افغانستان د اسیایي لوبو په کرکټ سیالۍ کې جاپان ته ماته ورکړه