افغان زده‌کوونکي د استوګنې د اسنادو له نیمګړتیا سره سره د زده‌کړو د دوام امکان لري

د ایران د خراسان رضوي ولایت د بهرنیو وګړو د چارو څانګې مشر ووئیل؛ افغان زده‌کوونکي د استوګنې د اسنادو له نیمګړتیا سره سره د خپلو زده‌کړو د دوام امکان لري. د تسنیم خبري اژانس د راپور له مخې، د ایران د اسلامی جمهوریت د خراسان رضوي ولایت د والي د بهرنیو وګړو او کډوالو د چارو د څانګې مشر سیدجعفر سیدآبادي په یو لړ مراسمو کې، د کډوالو زده‌کوونکو د نوم‌لیکنې او زده‌کړو د بهیر د قانوني ترسره کېدو پر اړتیا ټینګار وکړ او د هغو ځینو زده‌کوونکو لپاره یې د زده‌کړو د دوام د امکان خبر ورکړ چې د استوګنې اسناد یې نیمګړي دي. سیدآبادي د نوي تعلیمي کال لپاره د بهرنیو اتباعو او کډوالو د زده‌کوونکو د نوم‌لیکنې د بهیر په اړه وویل چې د زده‌کوونکو زده‌کړې باید د ابلاغ شویو کړنلارو له مخې او د قوانینو په چوکاټ کې ترسره شي. هغه زیاته کړه: د بهرنیو اتباعو او کډوالو د چارو د مرکز له لوري د وروستۍ ابلاغ شوې کړنلارې پر بنسټ، هغه زده‌کوونکي چې د استوګنې اسناد یې ستونزه یا نیمګړتیا لري، خو د هغوی له مور او پلار څخه یو یې د هستوګنې قانوني اسناد ولري، په نوي تعلیمي کال کې خپلو زده‌کړو ته دوام ورکولی شي. د «آوا» د راپور له مخې، دایران د خراسان رضوي ولایت د والي د بهرنیو اتباعو او…