کابل (پژواک، ۲۷ چنګاښ ۱۴۰۵): افغان لوبغاړي محمدسرور حسیني د جوجیتسو اسیایي سیالیو کې ویتنامي او کمبودیایي سیالانو ته ماته ورکړه، له اوزبېکستاني سیال سره یې لوبه مساوي کړه او قرغیزستاني ته یې لوبه وبایله. د المپیک، بدني روزنې او ورزش عمومي ریاست نن په یوه خبرپاڼه کې ویلي، د قزاقستان په کوربهتوب د جوجیتسو سیالیو کې محمدسرور حسیني په ۶۹ کیلوګرامه وزن کې د ویتنام او کامبودیا هېوادونو له دوو سیالانو لوبې وګټلې. خبرپاڼه کې راغلي، حسیني په دغو سیالیو کې له اوزبېکستاني سیال سره لوبه مساوي کړه او قرغیزستاني سیال پر وړاندې یې ماتې وخوړه. سرچینې لیکلي، همدارنګه په دغو سیالیو کې به بل افغان لوبغاړی مصطفی وکیلي په ۶۹ کیلو ګرامه وزن کې سبا د خپل سیال پر وړاندې لوبه وکړي. د المپیک، بدني روزنې او ورزش عمومي ریاست د معلوماتو له مخې، د جوجیتسو دغه سیالۍ د قزاقستان په کوربهتوب د ۴۹ هېوادونو د ورزشکارانو په ګډون روانې دي چې له افغانستانه پکې دوو ورزشکارانو ګډون کړی دی.
لنډ معلومات
مهالوېش
-
Pajhwok
افغان لوبغاړي د جوجیتسو اسیایي سیالیو کې خپلو دوو سیالانو ته ماته ورکړه
سرچینې
Afghan sources
افغان لوبغاړي د جوجیتسو اسیایي سیالیو کې خپلو دوو سیالانو ته ماته ورکړه