Summary: د خوست ولایت په باک او ځاځي میدان ولسوالیو کې د ملګرو ملتونو د پراختیايي پروګرام په مالي ملاتړ ۱۲ پراختیايي پروژې د ۳۷ میلیونه ۲۳۷ زره ۹۶۱ افغانیو په لګښت بشپړې او ګټې اخیستنې ته وسپارل شوې. د خوست د کلیو بیارغونې او پراختیا ریاست مرستیال مولوي ریحانالله سنان باختر اژانس ته ویلي چې په دغو پروژو کې د کانالونو، سربندونو، کارېزونو او استنادي دېوالونو رغول شامل دي.د نوموړي په وینا، د یادو پروژو د پلي کېدو پر مهال شاوخوا ۱۵ زره کسانو ته په مستقیم او غیرمستقیم ډول د کار زمینه برابره شوې ده.هغه زیاته کړې، چې دغه پروژې د کلیو بیارغونې او پراختیا ریاست تر مستقیم نظارت لاندې په غوره کیفیت بشپړې شوې، چې د باک او ځاځي میدان ولسوالیو د اوسېدونکو د ژوند ښه والي او د کرنیزو چارو د پراختیا په برخه کې به مهم رول ولوبوي.ورته مهال، د سیمې اوسېدونکو ښایسته ګل او حسین بادشاه ویلي، چې تر دې وړاندې د اوبو د کمښت له امله یې کرنیزو ځمکو او فصلونو ته پر وخت اوبه نه رسېدې، چې له کبله یې حاصلات کم او بزګران له ګڼو ستونزو سره مخ وو.دوی زیاته کړې، چې د یادو کانالونو او سربندونو په جوړېدو سره به د اوبو ستونزه هواره او د کرنیزو ځمکو د حاصلاتو کچه لوړه شي.
اطلاعات کوتاه
خط زمانی
-
Bakhtar
خوست کې د څه باندې ۳۷ میلیونه افغانیو په لګښت ۱۲ پراختیايي پروژې بشپړې شوې
منابع
Afghan sources
خوست کې د څه باندې ۳۷ میلیونه افغانیو په لګښت ۱۲ پراختیايي پروژې بشپړې شوې