دافغانستان د بازار د ثبات تر وخته به د سونګو ‌توکو د وارداتو ځینې محدودیتونه کم شي

د افغانستان د طالبانو حکومت وئیلي دي، د سونګو ‌توکو پر وارداتو ځینې محدودیتونه په موقتي ډول کم شوي، څو د کمښت او د بیَو د لوړېدو مخه ونیول شي. د تسنیم خبري اژانس د راپور له مخې، د افغانستان د تیلو او ګیسو حکومتي شرکت ویلي چې د تیلو او ګازو د نړیوالو بیو د لوړېدو له امله، د پټرولو، ډیزلو او مایع ګیس د وارداتو ځینې کیفي معیارونه په موقتي ډول کمېږي. دا پرېکړه وروسته له د ې شوې چې د سونګو بې‌کیفیته ‌توکو د وارداتو د مخنیوي کمېټې د بازار وضعیت او د افغانستان اړتیاوې وڅېړلې او په خپلې پخوانۍ پرېکړې یې بیاکتنه وکړه. د نوې پرېکړې له مخې، هغه پټرول، ډیزل او مایع ګیس چې مخکې د ځینو کیفي معیارونو د نه پوره کولو له امله افغانستان ته د داخلېدو اجازت ئې نه درلوده، اوس به د ټاکلو شرایطو په رعایتولو سره هېواد ته واردېدلی شي. د افغانستان د تیلو او ګیسو شرکت همدارنګه ویلي چې دا اقدام د سونګو د ‌توکو د کمښت د مخنیوي، د بازار د ثبات د ساتلو او د تیلی موادو د وارداتو او وړاندې کولو د بهیر د ګډوډېدو د مخنیوي لپاره ترسره شوی دی. د یاد شرکت په وینا، دغه پرېکړه به تر هغه وخته نافذه وي چې د بازار وضعیت عادي شي، د تیلي موادو دوامداره تأمین یقیني…