دایکنډي کې سلګونه بېرته راستنو شویو ته د نمرو د وېش لړۍ پیل… — Bakhtar

Summary: د ډایکنډي ځایي مسوولینو په شتون کې پر ۶۹۲ راستنو شویو د نمرو د وېش لړۍ پیل شوه. د یاد ولایت د کور او ښار جوړولو رئیس عصمت الله صالحي، د دې بهیر د روڼتیا ډاډ ورکړی او ویلي یې دي، چې له مرکز څخه یاد ریاست ته د ۱۱زره ۳۵۹ راستانه شویو نوملړ سپارل شوی، چې له ډلې یې د څه باندې ۵ زره کسانو اسناد بشپړ شوي دي.د نوموړي په خبره، پیل شوي لومړي پړاو کې ۶۹۲ نمرې چې هره یوه یې پینځه بسوې مساحت لري د وېش لپاره چمتو شوې او پاتې کسان به هم د مهالوېش له مخې برخمن شي.هېره دې نه وي، چې اسلامي امارت له ګاونډیو هېوادونو د میلیونونو را اېستل شویو افغان کډوالو څپه په ښه ډول مدیریت کړې او هڅه شوې چې په خوندي ځایونو کې ورته دایمي سرپناوې هم برابرې شي.