د محمد محقق لور: اسلامي هېوادونه باید د افغان ښځو ژغورلو لپاره عملي… — AF International

د محمد محقق لور ذکيه محقق وايي، چې د طالبانو له واکمنۍ نږدې پنځه کاله تېرېږي، خو په افغانستان کې د ښځو د حقونو حالت ورځ تر بلې خرابېږي. هغې وويل، اسلامي هېوادونه بايد د چوپتيا پر ځای د افغان ښځو د ملاتړ لپاره عملي ګامونه واخلي او څرګندې حل‌لارې وړاندې کړي. هانا نیومن د سې‌شنبې په ورځ (د چنګاښ ۲۳مه) په خپله اېکس‌پاڼه لیکلي، چې د اروپايي کمېسیون او د طالب استازو ترمنځ د تېرې میاشتې لیدنې سختې پوښتنې راپورته کړې دي. د نیومن په وینا، اروپايي کمېسیون ادعا کوي، چې له طالبانو سره دا خبرې یوازې د هغو افغانانو د بېرته ستنولو په اړه دي، چې په قتل، ترهګریزو پېښو او جنسي تېري تورن او محکوم شوي دي. خو هغې زیاته کړې، چې په عمل کې جرمني د هغو افغانانو د اېستلو چمتووالی نیسي، چې هېڅ ډول جرمي مخینه نه‌لري او دا پرېکړه د یاد کمېسیون له ادعا سره په ټکر کې ده. د اروپا د پارلمان دغې غړې خبرداری ورکړی، چې طالبانو په ښکاره ویلي چې د کډوالو د بېرته ستنولو لپاره فعالو کونسلي خدماتو ته اړتیا ده. هغې د پوښتنې په توګه مطرح کړې، چې ایا اروپايي کمېسیون په اروپا کې طالبانو ته د افغان کونسلي خدماتو د سپارلو لپاره لاره هواروي، چې دا چاره به د کډوالو د بېرته ستنولو له موضوع څخه خورا وړاندې…