د کورنیو چارو وزیر د افغانستان لپاره د اروپايي ټولنې له ځانګړي استازي… — Bakhtar

Summary: د افغانستان اسلامي امارت د کورنیو چارو وزیر خلیفه سراج‌الدین حقاني، د افغانستان لپاره د اروپايي ټولنې له ځانګړي استازي توماس فریلېسن او مل پلاوي سره کتلي دي. د کورنيو چارو وزارت په خپره شوې خبرپاڼه کې راغلي چې په دې کتنه کې د افغانستان او اروپايي ټولنې ترمنځ د تعامل، د افغانستان امنیتي وضعیت، سیمه‌ییز ثبات او د نشه‌يي توکو پر وړاندې د مبارزې په اړه خبرې وشوې. په کتنه کې همدارنګه، د افغان کډوالو د وضعیت او راستنېدو، بشري موضوعاتو او د افغانستان او پاکستان ترمنځ د ستونزو حل په اړه د سیمه‌ ییزو هڅو پر اهمیت بحث شوی دی.