د طالبانو ویاند ذبیحالله مجاهد د پاکستان د لومړي وزیر شهباز شریف له لوري په افغانستان کې د بهرنیو ډلو د شتون ادعاوې رد او بې بنسټه وبللې. مجاهد په یو غږیز پیغام کې ویلي چې طالبان هېڅ بهرنۍ ډلې ته اجازه نه ورکوي چې د افغانستان په خاوره کې فعالیت وکړي. د امریکا د بهرنیو اړیکو شورا څیړنز مرکز په خپل تازه راپور کې، چې د ۲۰۲۶ کال د جولای په ۶مه خپور شوی، ویلي چې طالبان د شریعت پر بنسټ د سختو قوانینو په پلي کولو سره پر افغانستان خپل مطلق واک ټینګ کړی دی. راپور ټینګار کوي چې ترهګرو ډلو، د القاعده په ګډون، افغانستان د جذب، روزنې او له هېواده بهر د ترهګرو د لېږلو پر مرکز بدل کړی دی. د امریکا د بهرنیو اړیکو شورا څیړنیز مرکز همداراز ویلي چې د نجونو پر زده کړو بندیز او د ښځو لپاره د سفر پر مهال د نارینه محرم د ملتیا او په عامه ځایونو کې د مخ پټولو شرط لا هم پر ځای دی. د راپور له مخې، د طالبانو تر واک لاندې د افغانستان خلک لا هم د ترهګریزو بریدونو له جدي ګواښ سره مخ دي. راپور وایي، چین هڅه کړې چې په اورومچي کې د منځګړیتوب له لارې دغه کړکېچ پای ته ورسوي، خو تر اوسه خبرې کومې رسمي هوکړې ته نه دي رسېدلې….
لنډ معلومات
مهالوېش
-
AF International
طالبانو په افغانستان کې د بهرنیو ډلو د شتون په اړه د شهباز شریف څرګندونې رد کړې
سرچینې
Afghan sources
طالبانو په افغانستان کې د بهرنیو ډلو د شتون په اړه د شهباز شریف څرګندونې رد کړې