غزني کې د ماشومانو د سوءتغذیې پېښې۶ سلنه ډېرې شوې دي | آمو… — Amu TV

د غزني ولایت د روغتیایي چارواکو او ولسي وګړو په وینا، د ناوړه اقتصادي وضعیت، د خوراکي توکو د کمښت او بې‌وزلۍ له امله د ماشومانو ترمنځ د سوءتغذیې پېښې زياتې شوې دي. په همدې حال کې د خوړو نړیوال پروګرام (WFP) خبرداری ورکوي چې د افغانستان ۴۷ سلنه نفوس له خوراکي ناامنۍ ځورېږي او نږدې څلور میلیونه ماشومان له سختې سوءتغذیې سره مخ دي. دا مهال د غزني په ملکی او حوزه‌يي روغتونونو کې سلګونه ماشومان بستري دي. په روان لمریز کال کې د دغه ولایت روغتونونو ته ۶۰ زره په سوءتغذیه اخته ماشومان ور وړل شوي، چې د تېر کال په پرتله ۶ سلنه زیاتوالی ښیي. داکتره زرغونه وایي:«ډېر داسې ماشومان مې په خپلو سترګو لیدلي چې د سوءتغذیې له امله یې ساه ورکړې. لرې پرتې سیمې دي، لارې خرابې دي او خلک د بازار اصلي کلینیک ته لاسرسی نه لري» د غزني اوسېدونکي وایي، د بې‌وزلۍ د زیاتېدو له امله کورنۍ نه شي کولای ماشومانو ته مناسب خواړه چمتو کړي او روغتونونه هم اړین درمل نه لري. د غزني اوسېدونکی ظفر خان وایي:«دلته درمل نشته، دارو پر خپلو پیسو اخلو، له سره درمل نه راکوي.» د دغه ولایت بل اوسېدونکی جمال‌الدین زیاتوي:«کېدی شي دلته درمل راکړل شي، خورا ښه به وي. ټول درمل له بهر پېرو، موږ بې‌وزله خلک یو او دومره وس نه لرو.» همداراز بل…