Summary: د میدان وردګو ولایت د مرکز میدان ښار د کوټه عشرو سیمې په جندي خېلو کلي کې د خلکو په مالي ملاتړ د ۱.۳ میلیونه افغانیو په لګښت جوړ شوی پل ګټې اخیستنې ته وسپارل شو. د کلیو بیارغونې او پراختیا ریاست د پروژو د تطبیق امر انجینر صفيالله سالار ویلي، چې دغه پل اته متره اوږدوالی او څلور متره پلنوالی لري، چې د شاوخوا څلورو میاشتو په موده کې جوړ شوی او څلور کلي له یوه بل سره نښلوي. په جوړو شویو مراسمو کې د میدان وردګو والي ملا خیرالله خیرخواه د ولسونو یووالی او همغږي د ټولنې د پرمختګ لپاره مهم وبلل او ویې ویل، چې د خلکو یووالی له حکومت سره د چارو په مخته وړلو کې مرسته کوي. نوموړي د یادې پروژې په پلي کېدو کې د خلکو له همکارۍ مننه وکړه او ډاډ یې ورکړ، چې ولایتي اداره به د خلکو د اړتیاوو د پوره کولو په برخه کې له هغوی سره خپلو همکاریو ته دوام ورکړي. په دې مراسمو کې قومي مشرانو خپلې غوښتنې او وړاندیزونه له سیمهییزو مسوولینو سره شریک کړل.
لنډ معلومات
مهالوېش
-
Bakhtar
میدان ښار کې د ۱.۳ میلیونه افغانیو په لګښت یو پل جوړ شو