هلمند؛ په ګرشک ولسوالۍ کې یو تفریحي پارک جوړېږي — Bakhtar
Summary: د هلمند ولایت په ګرشک ولسوالۍ کې د نږدې درې میلیونه افغانیو په لګښت د یوه تفریحي پارک د جوړولو چارې پیل شوې. د باختر اژانس د خبر له مخې؛ دغه پارک د ګرشک ښاروالۍ په مالي ملاتړ د ۲ میلیونه، ۷۱۴ زره او ۹۰۰ افغانیو په لګښت جوړېږي او په نږدې راتلونکي کې به یې چارې بشپړې شي. د ګرشک ښاروالۍ مسوولینو ویلي، چې په دغه پارک کې به د ماشومانو لپاره د لوبو ځایونه، د ځوانانو او عامو خلکو لپاره د ناستې اسانتیاوې او خوړنځایونه جوړ شي. ورته مهال د ګرشک ولسوال معاون شرافت د یادې پروژې د چارو پر شفاف او باکیفیته ترسره کېدو ټینګار کړی او له قراردادي شرکت څخه یې غوښتي چې چارې یې د ټاکل شویو معیارونو له مخې بشپړې کړي. د نوموړي په خبره، د دغه پارک په جوړېدو سره به د ګرشک ولسوالۍ اوسېدونکو، په ځانګړي ډول ماشومانو او ځوانانو، ته د تفریح او استراحت مناسب ځای برابر شي.
Quick facts
Timeline
-
Bakhtar
هلمند؛ په ګرشک ولسوالۍ کې یو تفریحي پارک جوړېږي