Summary: د کاپیسا ولایت د محمودراقي ښاروالۍ مسوولین وایي چې د دغه ښار د ده باباعلي بازار د پليلارو او ویالو جوړولو پروژې چارې د ۶ میلیونه ۵۰۰ زره افغانیو په لګښت پیل شوې دي. د یادې پروژې د پرانیستې په مراسمو کې د کاپیسا مرستیال والي شیخ اسدالله سنان، د محمودراقي ښاروال حافظ مولوي شیراز عبدالله او یو شمېر نورو ځایي مسوولینو ګډون کړی و.په جوړو شویو مراسمو کې د محمودراقي ښاروال وویل، چې په دغه پروژه کې د ۴۴۸ مترو په اوږدوالي د پليلارو او د ۳۲۳ مترو په اوږدوالي د اوبو د ویالو جوړول شامل دي، چې د ملګرو ملتونو د پروژوي خدمتونو دفتر په همکارۍ او د نړۍوال بانک په مالي ملاتړ پلې کېږي.نوموړي زیاته کړې، چې د دغې پروژې په بشپړېدو سره به د ښاري نظم، چاپېریال پاکوالي او د ده باباعلي بازار د اوسېدونکو او سوداګرو د تګ راتګ په برخه کې اړینې اسانتیاوې برابرې شي.
Quick facts
Timeline
-
Bakhtar
کاپیسا کې د ۶.۵ میلیونه افغانیو په لګښت د یوې پروژې چارې پیل شوې
Sources
Afghan sources
کاپیسا کې د ۶.۵ میلیونه افغانیو په لګښت د یوې پروژې چارې پیل شوې