کابل؛ څه د پاسه ۶۳ټنه بې کيفيته خوراکي او غير خوراکي توکي له… — Bakhtar

Summary: د کابل ښاروالۍ له خوا د ښار له بېلابېلو بازارونو څخه راټول کړل شوي ۶۳ ټنه بې کیفیته خوراکي او غیرخوراکي توکي چې، د مصرف نېټه یې هم پای ته رسېدلې وه، له ښار څخه د باندې په ګزک سیمه کې له منځه یوړل شول. له يادې ښاروالۍ څخه په خپره شوې خبرپاڼه کې راغلي، چې په دغو ۶۳ زره ۸۱۴ کیلو ګرامه توکو کې بېلابېل خوراکي او غیر خوراکي توکي شامل دي چې، د ښار له بېلابېلو بازارونو څخه د کابل ښاروالۍ د چاپېریالي روغتیا او چاپېریال ساتنې ریاست او همکارو ادارو له‌ خوا راټول کړل شوي وو.سرچينې زياته کړې، چې په دې توکو کې شیدې، ملايي، بیسکویټ، غوړي، پنېر، د لوبیا او کبانو کنسرو، د رومي بادنجانو روب، چپس، پفک، نوشابې، شامپو، صابون او د مینځولو توکي شامل وو.په خبرپاڼه کې څرګنده شوې، چې له بازارونوڅخه به په منظمه توګه پلټنې او څارنې روانې وي او له سرغړونکو سره قانوني چلند کېږي.کابل ښاروالۍ همدارنګه له پلورونکو څخه هم غوښتنه کړې، چې د تاريخ تېرو او بې کیفیته توکو له پلورلو څخه ډډه وکړي او ښاریان دې د توکو د مصرف نېټه او کیفیت په پام کې ونیسي.