د طالبانو حکومت بهرنیو چارو وزیر وایي له پاکستان سره ټولې مسلې د خبرو له لارې حل کیدای شي.

زمونږ خبریال راپور راکړی د افغانستان د طالبانو د حکومت بهرنیو چارو وزیر وایي له پاکستان سره ټولې مسلې د خبرو له لارې حل کیدای شي. د بهرنیو چارو وزیر پر وینا افغانستان د تقابل پر سیاست باور نه لري خو له ملي حاکمیت نه دفاع خپل مشروع حق بولي. د طالبانو د حکومت د بهرنیوچارو وزیر ملا امیر خان متقي چې د مسکو فارمټ په اتمه ناسته کې د ګډون په موخه روسیې ته تللی یادې ناستې ته د وینا پر مهال وویل افغانستان کې اوس جګړه نشته طالبان د هیواد پر ټوله جغرافیه واکمن دي او اوس د جګړو پر ځای د اقتصادي بیا رغاونې او پرمختګ وخت رارسیدلی دی. متقي په دې برخه کې د ټاپي، کاسه یک هزار او خوشتیپې کانال په څير دسترو پروژو یادونه وکړه چې دا مهال یې چارې په بریالیتوب سره روانې دي. متقي وویل پاکستان سره زموږ د اقتصادي ، سیاسي او ټولنیزو اړیکو ستونزه د خبرواو تقاهم له لارې حل کیدا شي،ځکه موږ نه غواړو افغانستان د تقابل پرډګر بد ل شي. د طالبانو حکومت بهرنیو چارو وزیر په خپلو خبروکې وویل له بده مرغه د پاکستان پر سیاست حاکم پوځي رژیم تل د زور او پوځي ژبه غږوي ، د مسکو له همدې ناستې څوورځې وړاندې یې د افغانستان په پکتیکا، کونړ او هلمند ولایتونو کې ملکي وګړي په…