افغان ورزشکار مصطفی وکیلي د جوجتسو په نړیوالو سیالیو کې د برنزو مډال… — Bakhtar

Summary: د افغانستان د جوجتسو لوبډلې ورزشکار مصطفی وکیلي د قزاقستان په کوربتوب د جوجتسو په نړیوالو سیالیو کې د ۶۹ کیلوګرامه وزن د فول کانتکت په سبک کې د برنزو مډال وګاټه. د المپیک، بدني روزنې او ورزش عمومي ریاست له لوري په خپره شوې خبر پاڼه کې ویلي، چې مصطفی وکیلي خپله لومړۍ سیالي د سیال د نه حاضرېدو له امله په بریا پای ته ورسوله، خو په دویمه سیالۍ کې یې د کوربه هېواد د ورزشکار پر وړاندې له ماتې وروسته، د سیالیو قوانینو له مخې د برنزو مډال خپل کړ.د یاد ریاست د معلوماتو له مخې، افغانستان په دغو نړیوالو سیالیو کې د دوو ورزشکارانو او یوه روزونکي په ګډون برخه اخیستې وه او د هېواد استازو په بېلابېلو وزني کټګوریو کې سیالۍ ترسره کړې.د یادونې وړ ده، چې د جوجتسو نړیوالې سیالۍ د قزاقستان په کوربتوب د ۴۹ هېوادونو د ورزشکارانو په ګډون د روانې میلادي میاشتې په ۱۱مه نېټه پیل شوې وې او د جولای په ۱۹مه نېټه پای ته ورسېدې.