Summary: د زابل ولایت مقام نوې اداري ودانۍ د څه باندې ۳۲ میلیونه افغانیو په لګښت جوړه او ګټې اخیستنې ته وسپارل شوه. په یاده موخه جوړه شوې غونډه کې د کورنیو چارو وزارت د تعمیراتو رئیس مولوي عبدالرشید کاکا ویلي چې دغه ودانۍ د وزارت له پراختیايي بودیجې څخه د ۳۲.۵ میلیونه افغانیو په لګښت د یو نیم کال په موده کې جوړه شوې ده.د نوموړي په وینا، یاده ودانۍ په دوو پوړونو کې رغول شوې، ۳۷ اداري خونې، اړین ملحقات او د مراجعینو لپاره لازمې اسانتیاوې لري.ورته مهال د کورنیو چارو وزارت لومړي مرستیال مولوي محمد نبي عمري ویلي چې دغه وزارت هوډ لري د هېواد په ټولو ولایتونو کې ورته اداري او رغنیزې پروژې پلي کړي.په همدې حال کې د زابل والي ملا شېرمحمد شریف د یادې ودانۍ په جوړېدو خوښي څرګنده کړې او ویلي یې دي چې زابل لا هم د بیارغونې او پراختیا په برخه کې ګڼو بنسټیزو پروژو ته اړتیا لري.د یادونې وړ ده، چې د زابل ولایت مقام د نوې ودانۍ ترڅنګ په ولایت کې د یو شمېر نورو رغنیزو پروژو چارې هم روانې دي او ټاکل شوې په نږدې راتلونکي کې یې چارې بشپړې او ګټې اخیستنې ته وسپارل شي.
لنډ معلومات
مهالوېش
-
Bakhtar
د زابل ولایت مقام لپاره نوې ودانۍ جوړه شوه