پکتیا ولایت کې لسګونه ټنه له تاریخه لویدلي او بې کیفیته خوراکی توکي او درمل وسوزول شول

زمونږ خبریال راپور راکړی د افغانستان د پکتیا ولایت د عامې روغتیا ریئس ډاکټر «معراج ګل عادل» وایي ۶۱ ټنه هغه خوراکي توکي او درمل چې له تاریخه لویدلي او بې کیفیته وو او د دوې د موظفیینوله لورې د دې ولایت په بېلابېلو سیمو کې راټول شوي وو په څمکنیو او زرمت ولسوالیو او د ولایت په مرکز ګردیز کې وسوزول شول. هغه وویل د بې کیفیته او له تاریخه لویدلو توکو پلور د قانون له مخې جرم ګڼل کیږي او له سرغړنکو سره به قانوني چلند کیږي. د پکتیا عامې روغتیا رئیس وویل د خوراکي تو کواو درمل د پلور پر مرکزونو د دوې څار دوام لري اوهیچا ته به اجازه ورنکړي چې دا ډول توکي پر خلکو وپلوري. تر دې وړاندې هم د افغانستان په بېلابېلو سیمو کې دا ډول توکي تر نیول کیدو وروسته سوزول شویدی.