کرېکټ: له زېمبابوې سره د ټېسټ لوبې لومړۍ پاڼۍ کې صدیق الله اتل… — Bbc

افغانستان له زېمبابوې سره د ټېسټ لوبې په لومړۍ پاڼۍ کې د دويمې ورځې تر پايه د يوه لوبغاړي په سوځېدو سره ۱۳۳ منډې وکړې. زېمبابوې په خپله لومړۍ پاڼۍ کې ۵۰۴ منډې جوړې کړې دي. د افغانستان لپاره په توپوهنه کې صدیق الله اتل ۵۵ او رحمان الله ۵۰ منډې وکړې. دوی به د سيالۍ په درېیمه ورځ خپلې توپوهنې ته دوام ورکوي. دغه لوبه چې د افغانستان په کوربتوب د متحده عرب اماراتو په شارجه کې ترسره کېږي، پچه یې زېمبابوې ګټلې او لومړی یې د منډو جوړولو پرېکړه کړې ده. د افغانستان له اړخه محمد سليم او قيس احمد هر يوه دری دری، ضيا الرحمان اکبر دوې، ضيا الرحمان شريفي او حشمت الله شیهدي يوه یوه وېکټه واخيسته. د زېمبابوې لپاره برنډن ټېلر ۱۳۱، براين بېنېټ ۱۲۸، وېسلې مدېور ۵۴، تفدزوا ۴۴، بېن کرن ۴۲، ګرېم کرېمبر ۳۴ او اېنوسېنټ کايا ۳۴ منډې وکړې. د افغانستان له اړخه زېمبابوې سره لومړۍ ټېسټ سیالۍ لپاره د رحمت ‌شاه زرمتي په مشرۍ صدیق‌الله اتل، حشمت‌الله شهیدي، عبدالمالک، شاهد‌الله کمال، اکرام علېخل، رحمان‌الله ځدراڼ، قیس احمد، ضیاء الرحمن اکبر، ضیا‌ء الرحمن شریفي او محمد سلیم اخیستل لوبېږي. د یادولو وړ ده چې د افغانستان او زېمبابوې له دې ټېسټ لوبې وروسته یوه بله پنځه ورځنۍ سیالي هم لري. افغانستان که څه هم ډېرې ټېسټ لوبې نه کوي خو څه موده…