د افغانستان جمهوري نظام ولسي جرګې پخوانی مرستیال مشر عبدالظاهر قدیر د جمعې پر ورځ د امریکا متحدو ایالتونو ته سپارل شوی، چې پرې د لګېدلو تورونو لړ کې محاکمه شي. پر ظاهر قدیر په نیویارک کې د ادارو له لوري د نشه يي توکو د قاچاق او د وسلو د ناقانونه ساتنې په تور لګېدلی. خو د نوموړي وکیل او کورنۍ دغه تورونه سیاسي بللي دي. د امریکا د عدلیې وزارت سرپرست، ټاډ بلانش، ویلي: "عبدالظاهر قدیر، سره له دې چې ځان یې د افغانستان د یوه سیاسي مشر په توګه معرفي کاوه، په حقیقت کې یې یوه جنایي شبکه رهبري کوله چې د خورا خطرناکو او اعتیاد راوستونکو نشهیي توکو او همدارنګه د درنو وسلو په قاچاق کې ښکېله وه." د لګېدلي تور له مخې، پخواني افغان چارواکي امریکا ته د سلګونو کیلوګرامه هیرویینو او مېتامفېټامینو د لېږد په اړه له داسې یوه کس سره خبرې اترې کړې وې، چې په حقیقت کې د امریکا د نشهیي توکو ضد ادارې یو محرم همکار و. که عبدالظاهر قادر د امریکا ته د نشهیي توکو او وسلو د واردولو د پلان په جرم مجرم وپېژندل شي، نو د عمري بند له سزا سره به مخامخ شي. عبدالظاهر قدیر د متحدو ایالتونو په منهټن کې محکمې ته وړاندې شو او د امریکا فدرالي څارنوالۍ د یوې اعلامیې له مخې د محاکمې…
لنډ معلومات
مهالوېش
-
Bbc
ظاهر قدیر د محاکمې لپاره امریکا ته سپارل شوی – BBC News پښتو