Audio Player
زه پیدا کړی خدای آزاد یمه ملا مه کوه
ته راته څه وایې چې هغه مه کوه دا مه کوه
ښارو ته وایه نغمې مه وایه ګناه مه کوه
چينار ته وایه له سیلۍ سره ګډا مه کوه
لمر ته هم وڅنډوه ګوته چې رڼا مه کوه
سپوږمۍ ته هم کړه سترګې برندې چې ځلا مه کوه
د چا د غاړې لونګین به وږمې نه خپروي
د چا د لاس بنګړو ته وایه چې شرنګا مه کوه
نغده بوسه اخله باور یې په سبا مه کوه
په محبت کې له هېچا سره نسیا مه کوه
امجده دا ولس کوي اجتماعي خودکشي
امجده دوی نه د ښې ورځې تمنا مه کوه